IŞİD-ը Թուրքիայից պահանջում է ազատ արձակել իր անդամներին

Տարածաշրջան07:42, 14 Հունիս 2014

IŞİD-ը Թուրքիայից պահանջում է ազատ արձակել իր անդամներին

«Ալ Քաիդա» ահաբեկչական խմբավորման հետ կապ ունցող «Իրաքի և Լևանտի իսլամական պետություն» (IŞİD) ծայրահեղական խմբավորումը թուրք պատանդների դիմաց պահանջում է ազատ արձակել ահաբեկիչ Չենդրիմ Ռամադանիին: Վերջինս Թուրքիայի Նիղդե նահանգի Ուլուքշլա գավառում 1 սպայի, 1 ոստիկանի և 1 քաղաքացու էր սպանել և այժմ իր պատիժն է կրում Թուրքիայում:

Թուրքական «Հաբերա» լրատվական կայքի փոխանցմամբ՝ այս մասին թվիթերյան իր միկրոբլոգում գրել է IŞİD-ի անդամներից մեկը: Խոսք է գնում ևս երկու ահաբեկչի՝ գերմանացի Էբու Օսմանի և պորտուգալացի Աբու Ջվայրիայի ազատման մասին:

Նշվում է՝ եթե Թուրքիան համաձայնի իրականացնել ահաբեկիչների պայմանները, ապա Ռամադանիին և մյուսների գաղտնի կերպով կհանձնի IŞİD-ին:

Հիշեցնենք, որ օրեր առաջ IŞİD ահաբեկչական խմբավորման զինյալները, գրավելով Իրաքի Մոսուլ քաղաքը, ներխուժել են տեղի թուրքական հյուպատոսարան և գերեվարել 49 հոգու, այդ թվում և գլխավոր հյուպատոս Օզթյուրք Յըլմազին:
IŞİD-ի անդամ թուրք ահաբեկիչներից մեկը հայտնել էր, որ չի կարծում, թե գերեվարված թուրքերին կսպանեն, նրանց բաց կթողնեն մեծ գլխագնի դիմաց:

Ermenihaber.am