Ավստրիայի արտգործնախարարը կոշտ պատասխան է ստացել Անկարայից

Քաղաքական07:23, 14 Հունիս 2014

Ավստրիայի արտգործնախարարը կոշտ պատասխան է ստացել Անկարայից

Պաշտոնական Անկարան կոշտ արձագանք է տվել նախօրեին Թուրքիայի վարչապետին սպառնալից նախազգուշացում արաց Ավստրիայի արտգործնախարար Սեբաստիան Քուրզին: Վերջինս տեղական թերթերից մեկին տված հարցազրույցի ժամանակ Ռեջեփ Թայիփ Էրդողանին զգուշացրել էր, թե ինչ ու ինչպես խոսի Վիեննայում:

«Բացեիբաց զգուշացնում եմ Էրդողանին, որ նա չի կարող բաժանում մտցնել Ավստրիայի հասարակության մեջ: Ինտեգրացիան շատ նուրբ հարց է: Սխալ մի խոսքը մեզ հետ կմղի, միջավայրը կթունավորի: Էրդողանը պարտավոր է այստեղ ապրող թուրքերին ասել, որ գերմաներեն սովորեն և հավատարիմ լինեն Ավստրիային: Բայց եթե խոսի այնպես, ինչպես Գերմանիայում, ապա դա կլինի ի վնաս թուրքերի»,- ասել էր ավստրիացի 28-ամյա նախարարը:

Ի պատասխան վերոնշյալ հանդուգն նախազգուշացման` Թուրքիայի փոխվարչապետ Էմրուլլահ Իշլերն ասել է, որ Էրդողանն ինքն է որոշում որտեղ ինչ խոսել և կոչ արել Քուրզին սեփական չափ ու սահմանը ճանաչել: Բացի Անկարայի արձագանքից Ավստրիայի արտգործնախարարին բողոքի ժեստ են ցուցաբերել Վիենայում ապրող երկու թուրք ուսանող: Նրանք սև ծաղկեպսակ են դրել Քուրզի ղեկավարած նախարարության շենքի դիմաց և դատապարտել Թուրքիայի վարչապետի հասցեին արված սպառնալից նախազգուշացումները:

Ermenihaber.am