Ստամբուլ-Երևան չվերթը կիրականացվի շաբաթական մեկ անգամ՝ նախկին երկուսի փոխարեն

Տնտեսական16:08, 17 Հունիս 2014

Ստամբուլ-Երևան չվերթը կիրականացվի շաբաթական մեկ անգամ՝ նախկին երկուսի փոխարեն

Շաբաթական 2 անգամ՝ կիրակի և չորեքշաբթի օրերին իրականցվող Ստամբուլ-Երևան ինքնաթիռի չվերթն այսուհետև կիրականացվի շաբաթվա մեջ մեկ անգամ՝ կիրակի օրերին:

Այս մասին Թուրքիայում հրատարակվող հայկական «Ակօս» թերթին հայտնել է չվերթը հայկական կողմի հետ համատեղ կազմակերպող «Tower» ավիաուղիների սեփականատեր, Թուրքիայում բնակվող հայազգի գործարար Տիգրան Ալթունը: Վերջինիս խոսքով փոփոխությունը պայմանավորված է պահանջարկի նվազմամբ: Ալթունը հայտնել է նաև, որ հունիսի 14-ից սկսվող Երևան-Անթալիա չվերթը նույնպես կարող է նմանատիպ խնդրի առաջ կանգնել:

Ալթունը, նշելով, որ տոմսերի արժեքի փոփոխություն չեն նախատեսում, ասել է. «Մեր պահանջարկի 90%-ը Հայաստանից է, Հիմնականում առևտրի նպատակով եկողներ են: Այս առումով կարծում եմ Հայաստանի տնտեսությունն է խնդիրներ ստեղծողը: Վերջին ժամանակներում գնացող-եկողների թիվը նվազել է»:

Հաղորդվում է, որ կիրակի օրը Ստամբուլից Երևան մեկնող ինքնաթիռը երկուշաբթի հետ կվերադառնա:

Ermenihaber.am