Թուրքիան «Ալ-Նուսրա» խմբավորմանը հանել է ահաբեկիչների ցուցակից

Տարածաշրջան09:25, 18 Հունիս 2014

Թուրքիան «Ալ-Նուսրա» խմբավորմանը հանել է ահաբեկիչների ցուցակից

Թուրքիա կառավարությունը որոշում է կայացրել վերանայել ահաբեկչական կազմակերպությունների պետական մակարդակով կազմված ցուցակը: Արդյունքում այդ ցուցակից հանվել են բոլորովին վերջերս ընդգրկված «Ալ Նուսրա» իսլամիստական կազմակերպությունը և նրան առընթեր խմբավորումները (Al-Nusrah Front, Jabhet al-Nusrah, Jabhet al-Nusrah, The Victory Front ):

Ինչպես հայտնում է թուրքական «Միլլիյեթ» պարբերականը, այդ մասին այսօր պաշտոնապես իրազեկվել է «Resmi» պաշտոնաթերթի միջոցով: Իսկ ցուցակի ցանկը համալրվել է «Իրաքի և Լևանտի իսլամական պետություն» (IŞİD) ծայրահեղական խմբավորումով, որը Թուրքիայի կողմից ևս ճանաչվում է ահաբեկչական կազմակերպություն:

Հիշեցնենք, որ 2014-ի մարտին «Ալ Նուսրայի» զինյալ ահաբեկիչներն էին հարձակվել հայաբնակ Քեսաբի վրա` անարգել անցնելով թուրք-սիրիական սահմանը: Իսկ IŞİD-ի գրոհայինները օրերս ներխուժել են Իրաքի հյուսիս, գրավել Մոսուլը և այժմ շարժվում դեպի Քերքուք, որտեղ բնակվող թուրքմենները տագնապած են վերահաս կոտորածից և խնդրում են Թուրքիայի միջամտությունը:

Ermenihaber.am