Անկարան Մոսկվայից պահանջելու է զեղչել գազի սակագինը

Տնտեսական09:59, 19 Հունիս 2014

Անկարան Մոսկվայից պահանջելու է զեղչել գազի սակագինը

Թուրքիայի բնական պաշարների ու էներգետիկայի նախարար Թաներ Յըլդըզը տեղեկացրել է, որ այսօր իր ռուս պաշտոնակցին փոխանցելու է Անկարայի պահանջը բնական գազի սակագինն իջեցնելու վերաբերյալ: Նավթի համխարհային 21-րդ կոնգրեսին մասնակցելու համար Մոսկվա մեկնած թուրք նախարարն այս մասին հայտնել է լրագորղների հետ հանդիպման ժամանակ:

«Կապույտ հոսք» գազատարից 3 մլրդ խմ լրացուցիչ գազ ենք գնելու, բայց ռուսական գազի սակագինը պետք է ավելի էժան լինի: Այդ գազը դեռ մինչև 2016-ը մատակարարվելու է Թուրքիային»,- ըստ «Հաբերթուրք» լրատվականի` ասել է թուրք նախարարը:

Թուրքիան 1000 խմ ռուսական գազի համար այժմ վճարում է 425 դոլար: Իսկ ամենաէժան գազը Թուքրիան գնում է Ադրբեջանից, 1000 խմ-ի համար` 335 դոլար:

Հիշեցնենք, որ Թուրքիան զուգահեռ փորձում է դատական կարգով հասնել իրանական գազի սակագնի զեղչման հարցի լուծմանը և պարտադրել Իրանին համեմատաբար էժան սակագին սահմանել Թուրքիայի համար: Դատավճռի հրապարակումը սպասվում է մինչև այս տարեվերջ: Այժմ Իրանը 1.000 խմ բնական գազի դիմաց Թուրքիայից պահանջում է 500 դոլար: