ERMENI HABER AJANSI

Ամերիկյան «CSIS» ռազմավարական հետազոտությունների կենտրոնը հրապարակել է Մերձավոր արևելքի վերաբերյալ զեկույց, որտեղ Թուրքիան մեղադրվում է «Իրաքի և Լևանտի իսլամական պետություն» (IŞİD) ահաբեկչական կազմակերպության նկատմամբ հանդուրժողականություն ցույց տալու մեջ: Այս մասին տեղեկացնում է թուրքական ընդդիմադիր «Ջումհուրիյեթ» կայքը:

Նշյալ զեկույցում մասնավորապես ասված է. «Թուրքիան եթե հասկանար, որ Սիրիայում ջիհադականների (իսլամիստ ծայրահեղականներ) հզորացումից ինքն էլ է խնդիրներ կունենա, նրանց թևերը կտրելու համար ժամանակին անթիվ մեթոդներ կունենար: Բայց դրա փոխարեն Թուրքիան  «IŞİD»-ի գործողությունները հանդուրժեց»:

Երբ Թուրքիայի արտգործնախարար Ահմեթ Դավուօղլուն, ի պատասխան Անկարայի հասցեին արվող մեղադրանքներին, պահանջել է ապացույցներ այն մասին, որ Թուրքիան զորակցել է «IŞİD»-ին» ընդդիմադիր ուժերից ժողովրդահանրապետական պատգամավոր Օսման Քորութուրքը վկայակոչել է հենց «CSIS»-ի զեկույցը` նշելով, որ այնտեղ ներկայացված անառարկելի ապացույցներ:

Ermenihaber.am