Մինչև տարեվերջ հնարավոր է Թուրքիայից դուրս բերվեն ՆԱՏՕ-ի ՀՕՊ համակարգերը

Տարածաշրջան10:10, 23 Հունիս 2014

Մինչև տարեվերջ հնարավոր է Թուրքիայից դուրս բերվեն ՆԱՏՕ-ի ՀՕՊ համակարգերը

Թուրքիայում տեղակայված Գերմանիայի, Հոլանդիայի և Միացյալ Նահանգների հակաօդային պաշտպանության «Patriot» համակարգերը հնարավոր է դուրս բերվեն երկրից: Այս մասին տեղեկություն են հայտնում թուրքական լրատվամիջոցները` վկայակոչելով գերմանական «Der Spiegel» պարբերականի համապատասխան հրապարակումը:

Նշվում է, որ ՆԱՏՕ-ի անդամ վերոնշյալ երեք երկրները ծրագրել են մինչև սույն տարեվերջ Թուրքիայից ապամոնտաժել «Patriot»-ի մարտկոցները, որոնք տեղակայվել էին Սիրիային սահմանակից թուրքական նահանգներում Սիրիայից հնարավոր վտանգը չեզոքացնելու նպատակով: Ըստ պատճառաբանության` Սիրիայից քիմիական զենքի դուրս բերման պարագայում արդեն «Patriot»-ի առկայությունը թուրք-սիրիական սահմանամերձ գոտում նպատակահարմար չի դիտվում: Մինչդեռ իրական պատճառը Հոլանդիայի և Գերմանիայի զորամիավորումներում «Patriot»-ի մասնագիտական կադրերի սակավությունն է:

Հարցը քննարկվելու է սեպտեմբերին Հարավային Ուելսում կայանալիք ՆԱՏՕ-ի գագաթաժողովի ժամանակ:

Հիշեցնենք, որ աժմ Թուրքիայում տեղակայված է «Patriot»-ի գերմանական, ամերիկյան ու հոլլանդական 6 մարտկոց:

Ermenihaber.am