Էրդողանը խոստովանել է, որ Թուրքիայում կրոնական ու մշակութային իրավունքները ճնշվել են

Քաղաքական12:38, 24 Հունիս 2014

Էրդողանը խոստովանել է, որ Թուրքիայում կրոնական ու մշակութային իրավունքները ճնշվել են

Թուրքիայի վարչապետ Ռեջեփ Թայիփ Էրդողանը ֆրանսիական «Paris Match» պարբերականի թղթակցին տված հարզազրույցում անդրադարձել է երկրի ներքին ու արտաքին քաղաքականությանն առնչվող մի շարք հարցերի:

Մասնավորապես այն հարցին, թե իր ղեկավարած «Արդարություն և զարգացում» կուսակցությունն (ԱԶԿ-AKP) ինչպես է ընկալում կրոնի և քաղաքականության միջև եղած կապը, Էրդողանը պատասխանել է.

«Երկար ժամանակ կրոնական և մշակութային իրավունքները ճնշման տակ են եղել: Պետությունն իր ժողովրդին մշակութային և կրոնական ճնշումների էր ենթարկում: Ընդ որում մերժողական ու ասիմիլացիայի քաղաքականությունն իրականացվում էր ոչ միայն էթնիկ փոքրամասնությունների, այլև կրոնական արժեքների նկատմամբ»:

Գալով իր ղեկավարած քաղաքական ուժին` Էրդողանը նշել է, թե իրենք պայքարի են դուրս եկել նմանօրինակ ճնշումների դեմ, թե իբր ձեռնամուխ են եղել Թուրքիայի բոլոր քաղաքացիների ազատությունների պաշտպանությանը: Նաև փորձել է վստահեցնել, թե «ԱԶԿ»-ն շարունակելու է ամենքի մշակութային արժեքների, խոսքի ազատության և ինքնության արտահայտման ապահովմանն ուղղված շարժումը: Որպես օրինակ, ի հավաստումն ասվածի, Էրդողանը մատնանշել է վերջին ժամանակներս Թուրքիայի հայ և հույն քաղաքացիների նկատմամբ «ԱԶԿ»-ի վարած քաղաքականությունը:

Ermenihaber.am