Հուլիսի 1-ին Թուրքիայում կհայտարարվի իշխանությունների առաջադրած նախագահի թեկնածուի անունը

Տարածաշրջան09:22, 24 Հունիս 2014

Հուլիսի 1-ին Թուրքիայում կհայտարարվի իշխանությունների առաջադրած նախագահի թեկնածուի անունը

Թուրքիայի իշխանական «Արդարություն և զարգացում» կուսակցության (ԱԶԿ-AKP) մամուլի քարտուղար Հալուք Իփեքը լրատվամիջոցներին տեղեկացրել է, որ նախագահական ընտրություններում առաջադրվելիք իրենց թեկնածուի անունը հրապարակվելու է հուլիսի 1-ին:

Ըստ թուրքական «Իհլաս» լրատվական գործակալության` վարչապետ Ռեջեփ Թայիփ Էրդողանը կուսկացության խորհրդարանական խմբակցության հետ հանդիպումից հետո մասնակցելու է Անկարայի առևտրի պալատում կազմակերպվելիք ծրագրային միջոցառմանը, որի ժամանակ էլ հայտարարելու է, թե ով է իշխանությունների առաջադրած թեկնածուն:

Շրջանառվող լուրերի համաձայն` հանրապետության նախագահի պաշտոնում ընտրվելու համար առաջադրվելու է գործող վարչապետ Էրդողանը:

Հիշեցնենք, որ նախագահական ընտրությունները Թուրքիայում անցկացվելու են օգոստոսին 10-ին: Առաջին անգամ երկրի նախագահին ընտրելու է ոչ խորհրդարանը, ինչպես նախկինում, այլ` ժողովուրդը հանրաքվեի միջոցով:

Ermenihaber.am