Թուրքիայում ավտոբուսի ուղևորը, «Ալլահ Աքբար» բղավելով, հարձակվել ու դանակի հարվածներ է հասցրել ուղևորներից մի քանիսին

Տարածաշրջան16:24, 27 Հունիս 2014

Թուրքիայում ավտոբուսի ուղևորը, «Ալլահ Աքբար» բղավելով, հարձակվել ու դանակի հարվածներ է հասցրել ուղևորներից մի քանիսին

Թուրքիայում վերջին օրերին կրոնական փաստարկների կիրառմամբ բռնարարքների դեպքեր են գրանցվում: Թուրքական «Հաբերդար» լրատվական կայքի հաղորդմամբ՝ նմանատիպ դեպք է գրանցվել Ստամբուլից Շալըուրֆա մեկնող ուղևորատար ավտոբուսում:

Լրատվականի աղբյուրի համաձայն՝ լուսադեմին ավտոբուսի ուղևորներից ոմն Ա. Ք.-ն, «Ալլահ աքբար» բղավելով, հարձակվել է ավտոբուսի քնած ուղևորների վրա և ձեռքի դանակով վզի շրջանում ծանր վնասվածքներ հասցրել ուղևորներից մի քանիսին: Օգտվելով ավտոբուսում սկասված ընդհանուր խառնաշփոթից՝ հարձակում գործած Ա. Ք.-ն կարողացել է փախչել, իսկ վիրավորված 3 ուղևորները շտապ օգնության մեքենաներով տեղափոխվել են հիվանդանոց:

Վիրավորվածներից մեկը Սիրիայի քաղաքացի է:

Դեպքի վայր հասած ժանդարմայի ստորաբաժանումները կարողացել են հայտնաբերել ու ձերբակալել հարձակում գործած տղամարդուն: