Սիրիայի հյուսիսում երկու զինված խմբավորումների միջև բախումը մոտեցել է Թուրքիայի սահմանին

Տարածաշրջան14:24, 03 Հուլիս 2014

Սիրիայի հյուսիսում երկու զինված խմբավորումների միջև բախումը մոտեցել է Թուրքիայի սահմանին

Թուրքական Գազիանթեպի և Շանլըուրֆայի հարակից սիրիական շրջաններում տեղի է ունենում ռազմական բախում «Իրաքի և Լևանտի իսլամական պետություն» (ԻԼԻՄ) ծայրահեղական խմբավորման և Քուրդիստանի բանվորական կուսակցության (ՔԲԿ-PKK) սիրիական թևը համարվող «Ժողովրդավարական միություն» կուսակցություն (ԺՄԿ-PYD) զինյալների միջև:

Սիրիայի հյուսիսում ԻԼԻՄ-ի և ԺՄԿ-ի վերահսկողության տակ գտնվող շրջանների միջև գտնվող չեզոք տարածքի համար նշյալ խմբավորումների միջև սկսված ռազմական բախումը մոտեցել Թուրքիայի սահմանին:

Թուրքական «Դողան» լրատվական գործակալության հաղորդմամբ՝ ժամանակ առ ժամանակ ահագնացող ռումբերի պայթյուններն ու զենքերի ձայները խուճապ են առաջացնում շրջակա թուրքական գյուղերի բնակչության շրջանում:

Ըստ աղբյուրի՝ Թուրքիան ներկայումս թուրք-սիրիական սահմանին լրացուցիչ անվտանգության ուժեր ու զրահատեխնիկա է կուտակում:

Ermenihaber.am