Չինաստանից Թուրքիա ձգվելիք նոր «մետաքսի ճանապարհ»

Տնտեսական09:26, 05 Հուլիս 2014

Չինաստանից Թուրքիա ձգվելիք նոր «մետաքսի ճանապարհ»

Չինաստանի ամենախոշոր երկաթգծերի ու վագոնների արտադրությամբ զբաղվող CSR ընկերության տնօրեն Զհաո Խիաոյանգը խոսել է Չինաստանի Շինջան շրջանից մինչև Թուրքիա ձգվող (շուրջ 6.000կմ) երկաթուղային ճանապարհի կառուցման նախագծի մասին: Ըստ թուրքական «Դողան հաբեր» լրատվական գործակալության` այդ նախագծի արժեքը կազմում է մոտ 150 մլրդ դոլար և ավարտին հնարավոր է հասցնել 2030 թվականին:

Զհաոն պարզաբանել է, որ ճեպընթաց գնացքի համար նախատեսվող այդ արագընթաց երկաթգծային ճանապարհն իրենից ներկայացնելու է նոր «մետաքսի ճանապարհ»` անցնելով Չինաստանի, Ղրղզստանի, Տաջիկստանի, Ուզբեկստանի, Թուրքմենստանի, Իրանի և Թուրքիայի տարածքով: Ուղևորատար ճեպընթացներն ընթանալու են 200կմ/ժ, իսկ բեռնատարները` 160 կմ/ժ արագությամբ:

Զհաոն նաև տեղեկացրել է, որ չինական իշխանությունները կարևորություն են տալիս հիշյալ նախագծին և ֆինանսական հարցերում պատրաստակամություն հայտնում:

Ermenihaber.am