Էրդալ Դողան. «Թուրքիայում անպատժելիության մթնոլորտ է` սկսած Հայոց ցեղասպանությունից»

Տարածաշրջան12:05, 07 Հուլիս 2014

Էրդալ Դողան. «Թուրքիայում անպատժելիության մթնոլորտ է` սկսած Հայոց ցեղասպանությունից»

Թեև Թուրքիայի արտաքին գործերի նախարարությունը պաշտոնական հերքում տվեց այն լուրերին, թե Անկարան պատրաստվում է բացել 1993-ին փակված հայ-թուրքական սահմանի Ալիջանի անցակետը, այնուամենայնիվ, երկու ժողովուրդներն այդ կապակցությամբ սպասելիք ունեն: Նման տեսակետ է հայտնում ընդդիմադիր հրապարակումներով հայտնի թուրքական «Taraf» պարբերականի սյունակագիր Էրդալ Դողանը:

Նա իր հեղինակած «Իրավունքի վրա բռնացող ժխտում» հոդվածում ահազանգում է, որ Թուրքիայում սկսած 1915 թվականի Հայոց ցեղասպանությունից ամրապնդվում է անպատժելիության մթնոլորոտը և հանցանք գործող պետական պաշտոնյաները շարունակում են պատսպարվել անպատիժ մնալու երաշխիքի մեջ:

«Մինչև օրս առերեսման ուղղությամբ քայլ կատարելու փոխարեն,- գրում է հոդվածի հեղինակը,- ընդհակառակը մենք ականատես ենք եղել կատարվածի ժխտմանը, սևացմանը և միևնույն ժամանակ այդ կածանի վրա պատմության ու իրավունքի կառուցմանը»: Դողանն ընդգծում է նաև, որ Անկարայի կարծրացած ժխտողականությունը ըստ էության միայն նպաստում է, որ հարցը փտախտի ենթարկվի, այլ ոչ թե լուծվի:

Ermenihaber.am