Պաշտոնապես հրապարակվել է Թուրքիայի նախագահի թեկնածուների ցուցակը

Տարածաշրջան10:01, 08 Հուլիս 2014

Պաշտոնապես հրապարակվել է Թուրքիայի նախագահի թեկնածուների ցուցակը

Թուրքիայի բարձրագույն ընտրական հանձնաժողովը հրապարակել է նախագահական ընտրություններում առաջադրված թեկնածուների ցանկը: «Resmi» պաշտոնաթերթում հրապարակվել է վերջանական սահմանված օրը Թուրքիայի Հանրապետության նախագահի ընտրությունն անցկացնելու համար: Ըստ այդմ` այն կայանալու է 2014-ի օգոստոսի 10-ին` կիրակի օրը:

«Եթե ընտրությունների առաջին փուլում անցողիկ քվեները բացարձակ մեծամասնություն չապահովեն, ապա այդ դեպքում տեղի կունենա երկրորդ փուլ, որը կնշանակվի օգոստոսի 24-ին»,- նշված է պաշտոնական տեղեկագրում:

Ներկայացված ցուցակում ընթերցում ենք հետևյալ թեկնածուների անունները.

1. Ռեջեփ Թայիփ Էրդողան - «Արդարություն և զարգացում կուսակցություն»

2. Էքմելեդդին Մեհմեթ Իհսանօղլու - Ընդդիմության միասնական թեկնածու

3. Սելահաթթին Դեմիրթաշ – «Ժողովուրդների դեմոկրատական կուսակցություն»

Նշենք, որ օգոստոսին կայանալիք նախագահական ընտրությունները հանրապետական Թուրքիայի պատմության մեջ աննախադեպ են, երբ երկրի ղեկավարն ընտրվելու է ժողովրդի կողմից հանրաքվեի միջոցով, այլ ոչ թե խորհրդարանական քվեարկությամբ:

Ermenihaber.am