Թուրքիայի նախագահի թեկնածուի ուշագրավ կարգախոսը և լոգոտիպը

Քաղաքական10:18, 10 Հուլիս 2014

Թուրքիայի նախագահի թեկնածուի ուշագրավ կարգախոսը և լոգոտիպը

Թուրքիայի 5 ընդդիմադիր քաղաքական ուժերիի միասնական թեկնածու հանդիացող Էքմելեդդին Իհսանօղլուն օգոստոսի 10-ին կպայքարի երկրի նախագահ ընտրվելու համար: Թուրքիայի նախագահի աթոռի համար պայքարելու են նաև թեկնածուներ իշխող «Արդարություն և զարգացում» կուսակցության ղեկավար Ռեջեփ Թայիփ Էրդողանը և ընդդիմադիր «Ժողովուրդների դեմոկրատական» կուսակցության համանախագահ Սելահաթթին Դեմիրթաշը:

Թուրքական «Ջումհուրիյեթ» լրատվականը հրապարակել է Էքմելեդդին Իհսանօղլուի քարոզարշավի ժամանակ օգտագործվելիք կարգախոսն ու լոգոտիպը:

Կարգախոս`

«Հացի համար Էքմելեդդին»

Նշենք, որ այստեղ բառախաղ կա, քանի որ թուրքերն հաց բառը (ekmek) համահնչունություն ունի նախագահի թեկնածուի ազգանվան (Ekmeleddin) հետ:

Լոգոտիպ`

Թուրքիայի Հանրապետության քարտեզն ամբողջությամբ ներկայացվում է որպես ցորենի դաշտ:

Ընդդիմության միասնական թեկնածուի քարոզարշավի կարգախոսն ու լոգոտիպը թեժ քննարկումներ ու արձագանքներ են առաջացրել ինչպես մամուլում, այնպես էլ սոցիալական ցանցերում: Շատերը զավեշտալի են համարել այդ կարգախոսը և նշել, որ անլուրջ տպավորություն է թողնում, ավելի շատ կատակ խոսքի է նման: Մանսավորապես Twitter միկրոբլոգի թուրք օգտատերերից մեկը (@istiklalAkarsu) նույն տրամաբանությամբ նախագահի մյուս թեկնածու զազա քուրդ Սելահաթթին Դեմիրթաշի համար օրինակ առաջարկել է «Քարի համար Դեմիթաշ» կարգախոսը:

Նշենք, որ այստեղ ևս բառախաղ կա, քանի որ թուրքերեն քար (taş) բառը նմանություն ունի թեկնածուի ազգանվան (Demirtaş) վերջին վանկի հետ:

Հիշեցնենք, որ Թուրքիայում օգոստոսի 10-ին անցկացվելու են նախագահական ընտրություններ, երբ երկրի ղեկավարին առաջին անգամ ընտրելու է ժողովուրդը հանրաքվեի ճանապարհով: Նախկինում հանրապետության նախագահին ընտրում էր խորհրդարանը:

Ermenihaber.am