Ստամբուլի եկեղեցիները կիրակի օրերին կհսկվեն ոստիկանների կողմից

Տարածաշրջան09:41, 17 Հուլիս 2014

Ստամբուլի եկեղեցիները կիրակի օրերին կհսկվեն ոստիկանների կողմից

Ստամբուլի լատինական կաթոլիկ եկեղեցու վրա հարձակում գործած անձնանց ձերբակալել չկարողանակուց հետո Թուրքիայի իրավապահները դիմել են հարցի լուծման այլ տարբերակի: Ինչպես տեղեկացնում է թուրքական «Դեմոկրատ հաբեր» լրատվականը, հղում տալով «Ակոս» պաբերականին, որոշվել է այսուհետև կիրակի օրերին ոստիկանական պահակախբեր կարգել Բաքըրքյոյ շրջանում գտնվող բոլոր եկեղեցիների շրջակայքում:

Հարձակումը տեղի էր ունեցել այն ժամանակ, երբ եկեղեցում ասորիների մկրտության արարողություն էր կատարվում: Միջադեպից հետո Թուրքիայի փոխվարչապետ Բյուլենթ Արընչը զանգահարել է Բեյօղլուի ասորական սուրբ Մարիամ Աստվածածին եկեղեցու հիմնադրամի նախագահ Սայիթ Սուսինին և խոստացել, որ հետագայում նման հարձակումներից խուսափելու համար կձեռնարկվեն բոլոր անհրաժեշտ միջոցները:

Հիշեցնենք, որ հունիսի 15-ին 8 հոգուց բաղկացած ավազակախումբը դաշյուններով զինված ներխուժել էր եկեղեցի: Քրիստոնյա հավատացյալներին ահաբեկած ծայրահեղականները գոռում-գոչյունով վանկարկել էին «քրիստոնյաներին արմատախիլ ենք անելու» կարգախոսը:

Թեև տեսանկարահանող սարքերն արձանագրել էին հանցագործների հարձակման ընթացքը, բայց մինչև օրս թուրք իրավապահները չեն կարողացել հայտնաբերել ահաբեկիչներին:

Ermenihaber.am