Ինտերնետային քվեարկություն. նախագահի թեկնածու Էրդողանը 3-րդ տեղում է

Քաղաքական07:18, 19 Հուլիս 2014

Ինտերնետային քվեարկություն. նախագահի թեկնածու Էրդողանը 3-րդ տեղում է

Օգոստոսի 10-ին Թուրքիայում կայանալիք նախագահական ընտրությունների կապակցությամբ ինտերնետային քվեարկություն է կազմակերպվել առաջադրված 3 թեկնածուների համար: «CNNTurk» լրատվական ծառայությունն իր պաշտոնական կայքում առցանց (on line) հարցում է կազմակերպել, թե առաջիկա ընտրություններին քաղաքացիները որ թեկնածուի օգտին են քվեարկելու:

Առաջադրված երեք թեկնածուների ստացած քվեներն այս պահի դրությամբ հետևյալ պատկերն ունեն:

1. Էքմելեդդին Իհսանօղլու – 4.827

2. Սելահաթթին Դեմիրթաշ – 23.846

3. Ռեջեփ Թայիփ Էրդողան – 7.686

Հիշեցնենք, որ Էրդողանն առաջադրվել է իշխող «Արդարություն և զարգացում» կուսակցության (ԱԶԿ-AKP) կողմից: Իհսանօղլուն հանդես է գալիս որպես խոշոր ընդդիմադիր ուժերի` ժողովրդահանրապետականների ու ազգայնականների միասնական թեկնածու: Իսկ Դեմիրթաշն առաջադրվել է քրդամետ «Ժողովուրդների դեմոկրատական» կուսակցության (ԺԴԿ-HDP) կողմից:

Ստորև ներկայացված է ինտերնետային քվեարկության պատկերը` ըստ Թուրքիայի Հանրապետության քարտեզի:

Իհսանօղլու (կարմիր) - 21.14 %

Դեմիրթաշ (կապույտ) - 65.58 %

Էրդողան (դեղին) - 13.28 %