ERMENI HABER AJANSI

Թուրքիայում օգոստոսի 10-ին կայանալիք նախագահական ընտրություններին ընդառաջ «CNNTurk» լրատվականի անցկացրած ինտերնետային քվեարկությունը շարունակվում է: Նախագահի թեկնածու առաջադրված երեք քաղաքական գործիչներից առաջատարի դիրքերում շարունակում է մնալ քրդամետ «Ժողովուրդների դեմոկրատիկ կուսակցության» (ԺԴԿ-HDP) համանախագահ Սելահաթթին Դեմիրթաշը: Վերջինս ծագումով զազա քուրդ է:

Նախորդ շաբաթ մեկնարկած ինտերնետային քվեարկությունում օգտատերերը պատասխանում են «Թուրքիան նախագահ է ընտրում, ու՞մ եք դուք տալու ձեր ձայնը» հարցին: Հուլիսի 21-ի օրվա առաջին կեսի դրությամբ քվեարկության արդյունքները պատկերը հետևյալն է:

1. Սելահաթթին Դեմիրթաշ – 37.400

2. Էքմելեդդին Իհսանօղլու – 10.477

3. Ռեջեփ Թայիփ Էրդողան – 6.423

Հիշեցնենք, որ Էրդողանն առաջադրվել է իշխող «Արդարություն և զարգացում» կուսակցության (ԱԶԿ-AKP) կողմից: Իհսանօղլուն հանդես է գալիս որպես խոշոր ընդդիմադիր ուժերի` ժողովրդահանրապետականների ու ազգայնականների միասնական թեկնածու: Իսկ Դեմիրթաշն առաջադրվել է քրդամետ «Ժողովուրդների դեմոկրատական» կուսակցության (ԺԴԿ-HDP) կողմից:

Ermenihaber.am