Էրդողանի նախագահ ընտրվելու դեպքում, վարչապետի պաշտոնը կզբաղեցնի Դավութօղլու՞ն

Քաղաքական08:13, 23 Հուլիս 2014

Էրդողանի նախագահ ընտրվելու դեպքում, վարչապետի պաշտոնը կզբաղեցնի Դավութօղլու՞ն

Թուրքիայում նախագահական ընտրություններին ընդառաջ քաղաքական կուլիսներում լայնորեն քննարկվում է այն հարցը, թե Ռեջեփ Թայիփ Էրդողանի` նախագահ ընտրվելու դեպքում ով է զբաղեցնելու վարչապետի աթոռը:

Էրդողանը օրերս լրագրողների հետ զրույցում ասել է, որ վարչապետն ու «Արդարություն ու զարգացում» կուսակցության (AKP-ԱԶԿ) նախագահը պետք է միևնույն մարդը լինի: Ըստ Էրդողանի, եթե վարչապետն ու կուսակցության ղեկավարը տարբեր մարդիկ լինեն, ապա արդյունավետ աշխատանքի մասին խոսք լինել չի կարող: Թուրքական «Սոնդաքիքա» լրատվական կայքի համաձայն` Էրդողանի այս հայտարարությունը նվազեցրել է Աբդուլլահ Գյուլի` վարչապետ նշանակվելու շանսերը:

էրդողանի` նախագահ ընտրվելու դեպքում կուսակցության ղեկավարի և վարչապետի պաշտոնի որպես ամենահավանական թեկնածու քննարկվում է ներկայիս արտաքին գերծերի նախարար Ահմեթ Դավութօղլուի անունը: Թուրքական «Հաբեր7» լրատվական կայքի վերլուծաբան Մեհմեթ Աջեթի պնդմամբ` կուսակցության կուլսիներում ամենաքննարկվող անունը Ահմեթ Դավութօղլուն է:

Ermenihaber.am