Թուրքիան ամենաշատը արտահանում է Գերմանիա, ամենաշատը ներմուծում է Ռուսաստանից

Տնտեսական09:24, 26 Հուլիս 2014

Թուրքիան ամենաշատը արտահանում է Գերմանիա, ամենաշատը ներմուծում է Ռուսաստանից

Թուրքիայի վիճակագրական ծառայությունը տվյալներ է հրապարակել նախորդ ամսվա արտաքին առևտրի ծավալների մասին: Ըստ թուրքական «Յենի աքիթ» լրատվական կայքի` արտահանման ծավալները 2013-ի նուն ժամանակահատվածի համեմատ ավելացել է 4.2 տոկոսով` կազմելով 12 մլրդ 923 մլն դոլար: Միևնույն ժամանակ արձանագրվել է ներմուծման ծավալների նվազում, տեղի է ունեցել 11 տոկոսանոց անկում` կազմելով 20 մլրդ 776 մլն դոլար:

Պարզվել է, որ արտաքին առևտրի դեֆիցիտը նվազել է 8.8 տոկոսով` 8 մլրդ 613 մլն դոլարից հասնելով 7.853 մլն դոլարի: Արտահանման և ներմուծման հարաբերակցությունը կազմել է 62.2 տոկոս` ի տարբերություն նախորդ տարվա 59 տոկոսի:

Եվրամիության երկրների հետ Թուրքիայի առևտուրը արտահանման մասով ավելացել է 14.7 տոկոսով` հասնելով 5 մլրդ 943 դոլարի: Թուրքիայի արտաքին առևտրի ցուցանիշներում Գերմանիան (1.2 մլրդ դոլար) առաջին տեղն ա զբաղեցնում թուրքական ապրանքների արտահանության մասով, իսկ ամենաշատ ներմուծումը կատարվում է Ռուսաստանից (1.9 մլրդ դոլար):

Ermenihaber.am