Հայ, հույն, հրեա բառերը Թուրքիայում դեռ ընկալվում են որպես վիրավորական խոսքեր

Տարածաշրջան07:14, 26 Հուլիս 2014

Հայ, հույն, հրեա բառերը Թուրքիայում դեռ ընկալվում են որպես վիրավորական խոսքեր

Թուրքիայի նախագահի քուրդ թեկնածու, «Ժողովուրդների դեմոկրատական» կուսակցության համանախագահ Սելահաթթին Դեմիրթաշն Անթալիայում հանդիպում է ունեցել հասարակական կազմակերպությունների ներկայացուցիչների հետ: Թեկնածուն անդրադարձել է տարբեր էթնիկ ինքնությունների կրող քաղաքացիների անհավասարության խնդրին: Ըստ նրա` Թուրքիայում ազգային ու կրոնական փոքրամասնությունները ենթարկվում են հալածանքների, ճնշումների ու շահագործման:

Բացի դա ատելություն սերմանող քարոզչություն էլ է նրանց նկատմամբ: Դեմիրթաշն օրինակ ուշադրություն է հրավիրել այն բանի վրա, որ տարիներ շարունակ քրդերը Թուրքիայում ներկայացվում են իբրև թշնամիներ:

«Պետության ձեռքով, վարչապետի բերանով, մամուլի միջնորդությամբ, դատարանի աջակցությամբ քրդերը Թուրքիայում այդ կերպ են ներկայացվում: Տարիներ շարունակ վատաբանվում են ալևիները: Հայ բառը դեռևս ընկալվում է իբրև հայհոյանք, հույն բառը` վիրավորող արտահայտություն: Հրեա բառը ստորացուցիչ խոսք է համարվում: Եզդի բառը` նույնպես»,- ըստ «Թուրքիա» թերթի` դժգոհությամբ նշել է Դեմիրթաշը:

Ermenihaber.am