Ստամբուլում այրել են նախագահի քուրդ թեկնածուի գրքույկները

Տարածաշրջան09:59, 30 Հուլիս 2014

Ստամբուլում այրել են նախագահի քուրդ թեկնածուի գրքույկները

Թուրքիայում նախընտրական քարոզարշավն անցնում է լարված մթնոլորտում: Նախօրեին բախում է տեղի ունեցել «Ժողովուրդների դեմոկրատական» կուսակցության (ԺԴԿ-HDP)և «Ժողովրդական ճակատ» խմբի անդամների միջև:
Թուրքական «Սաբահ» թերթի տեղեկացմամբ՝ դեպքը տեղի է ունեցել Ստամբուլի Նուրթեփե փողոցում, որտեղ նախագահի թեկնածու ազգությամբ քուրդ Սելահաթթին Դեմիրթաշի կողմնակիցները վահանակ են տեղադրել, ինչն էլ «Ժողովրդական ճակատ» խմբի անդամների դժգոհության պատճառն է դարձել:

Լեզվակռիվը վերածվել է վեճի, որի հետևանքով որոշ մարդիկ թեթև վնասվածքներ են ստացել:

Իսկ թուրքական «Թայմ թուրք» լրատվական կայքը տեղեկացնում է, որ «Ժողովրդական ճակատ» խմբի անդամները քանդել են ԺԴԿ-ի տեղադրած վահանակը և վառել Դեմիրթաշի նախընտրական գրքույկները:

Իսկ խմբի թվիթերյան էջում հետևյալ գրառումն է արվել. «Թույլ չենք տա, որ Չայան թաղամասում որևէ քաղաքական կուսակցություն նախընտրական քարոզչություն իրականացնի»:

Ermenihaber.am