Ոչ մի թուրք դերասան չի ցանկացել մարմնավորել Հրանտ Դինքին

Մշակութային07:57, 31 Հուլիս 2014

Ոչ մի թուրք դերասան չի ցանկացել մարմնավորել Հրանտ Դինքին

Թուրք ռեժիսոր Ֆաթիհ Աքընը տեղեկացրել է, որ ծրագրել էր 2007-ին դավադրաբար սպանված «Ագոս» թերթի հիմնադիր խմբագրապետ Հրանտ Դինքի մասին ֆիլմ նկարահանել և այդ ֆիլմի համար սցենար էր գրել: Սցենարի հիմքում դրված է եղել Դինքի` ժամանակին «Ագոս»-ում հրապարակված 12 հոդված:

«Բայց ոչ մի թուրք դերասան չի ցանկացել մարմնավորել Հրանտ Դինքին: Նրանց բոլորի պատճառաբանությունը մեկն էր` սցենարը շատ կոշտ է»- պարզաբանել է ռեժիսորը: Նա կարևորել է, որ Դինքի մասին պատմող հենց թուրքական արտադրության ֆիլմ լինի: Աքընը խոստովանել է, որ Դինքի շնորհիվ է ուսումնասիրել 1915-ի հայ ժողովրդի կրած ողբերգությունը և խորամուխ եղել այդ թեմայի մեջ:

Այնուհետև ռեժիսորը Դինքի համար նախատեսված ֆիլմի սցենարի որոշ հատվածներ ներառում է մեկ այլ ֆիլմի («Հատում») սցենարում, որը պատմում է Հայոց ցեղասպանության մասին:

«Հատում» ֆիլմում առարկայորեն քննարկվում են սարսափի հետևանքները: Սատանան դրսում չի, աննկատ թափանցում է մեր մեջ: Նրան միայն մենք կարող ենք դեն նետել մեզնից: Վստահ եմ, այս ֆիլմին Թուրքիան պատրաստ է»,- նշել է ռեժիսորը:

Ermenihaber.am