Էրդողանի նախընտրական հանրահավաքը Վանում ընթացել է բախումներով

Տարածաշրջան12:55, 01 Օգոստոս 2014

Էրդողանի նախընտրական հանրահավաքը Վանում ընթացել է բախումներով

Թուրքիայի նախագահի թեկնածու, գործող վարչապետ, իշխող «Արդարություն և զարգացում» կուսակցության նախախագ Ռեջեփ Թայիփ Էրդողանը նախընտրական քարոզարշավի շրջանակներում նախօրեին մեկնել էր Վան քաղաք: Ինչպես հայտնում են թուրքական լրատվամիջոցները, Էրդողանի նախընտրական հանրահավաքը մեծ լարվածություն է առաջացրել քաղաքում, ընդհուպ մինչև բախումներ: Մասնավորապես թուրքական «Ջումհուրիյեթ» կայքն Էրդողանի այցը Վան նկարագրել է հետևյալ կերպ. «Էրդողանը եկավ, քաղաքը տակնուվրա եղավ»:

Նշվում է, որ Մասնավորապես «Հանրապետական» պողոտայում հարյուրավոր քաղաքացիներ հակակառավարական լոզունգներ են հնչեցրել: Էրդողանի հանրահավաքը բոյկոտած քաղաքացիներից 16 հոգի ձերբակալվել են, որոնցից 7-ը դեռահասներ են: Բողոքավոր ցուցարարների ու ոստիկանների միջև բախումներ են տեղի ունեցել: Թուրք ուժայինները ցուցարարների դեմ օգտագործել են արցունքաբեր գազ, ջրցան մեքենաներ:

Ermenihaber.am