Թանսու Չիլլերը չի աջակցում ընդդիմության միասնական թեկնածուին

Տարածաշրջան08:52, 01 Օգոստոս 2014

Թանսու Չիլլերը չի աջակցում ընդդիմության միասնական թեկնածուին

Թուրքիայի նախկին վարչապետ Թանսու Չիլլերը հայտարարել է, որ ինքը նախագահական ընտրություններում չի աջակցում«Ժողովրդահանրապետական» և «Ազգայնական շարժում» ընդդիմադիր կուսակցությունների միասնական թեկնածու Էքմելեդդին Իհսանօղլուին:

Թուրքական «Սաբահ» թերթը ներկայացրել է Չիլլերի գրավոր հայտարարությունը, որով նա հերքում է թուրքական լրատվամիջոցներում հայտնված այն լուրերը, թե իբր ինքը աջակցում է Իհսանօղլուին:

«Այս ընթացքում, երբ դժբախտ պատահարի հետևանքով հեռու եմ եղել մեդիադաշտից, տեղեկացել եմ, որ մի շարք լրատվամաիջոցներ իմ անձի վերաբերյալ որոշ հայտարարություններ են տարածել, որոնք վերաբերում են նախագահական ընտրություններին: Լուրերը, թե ես աջակցում եմ հարգարժան Էքմելեդին Իհսանօղլուի թեկնածությունը, չեն համապատասխանում իրականությանը»,-նշված է հայտարարության մեջ:

Հիշեցնենք, որ Թանսու Չիլլերը եղել է Թուրքիայի առաջին կին վարչապետը, պաշտոնավարել է 1993-1996թթ, իսկ 1996-1997 թթ. եղել է Թուրքիայի արտգործնախարարը:

Ermenihaber.am