Քըլըչդարօղլուն բացատրություն է պահանջել, թե ինչու է Էրդողանի թոռն ԱՄՆ քաղաքացի

Քաղաքական09:37, 02 Օգոստոս 2014

Քըլըչդարօղլուն բացատրություն է պահանջել, թե ինչու է Էրդողանի թոռն ԱՄՆ քաղաքացի

Թուրքիայի գլխավոր ընդդիմադիր ուժի «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուն ընդդիմության միասնական թեկնածու առաջդրված Էքմելեդդին Իհսանօղլուին սատարող քարոզարշավի շրջանակներում Ստամբուլի Եյուփ հրապարակում հանդիպում է անցկացրել համերկրացիների հետ:

Հանրահավաքում ունեցած ելույթի ժամանակ Քըլըչդարօղլուն անդրադարձել է երկրի վարչապետ, նախագահի թեկնածու Ռեջեփ Թայիփ Էրդողանի այն հայտարարությանը, թե Իհսանօղլուն Թուրքիայի Հանրապետության քաղաքացի չի: : Ըստ «Սի էն էն թուրք» լրատվականի` ընդդիմադիր առաջնորդը, հեռակա դիմելով Էրդողանին, ասել է, որ Իհսանօղլուն Թուրքիայի քաղաքացիություն ունի և գրանցված է Յոզղաթում:

«Հիմա ես քեզ եմ հարցնում, իսկ քո թոռը ո՞ր երկրի քաղաքացի է, - Էրդողանին իր հարցն է հասցեագրել Քըլըչդարօղլուն` շարունակելով,- Գիտեմ, ԱՄՆ քաղաքացի է: Դե դու դուրս արի ու սրա վերաբերյալ ժողովրդին բացատրություն տուր»:

Ermenihaber.am