Էրդողանն ու Ալիևը զրուցել են շփման գոտում տեղի ունեցած միջադեպերի մասին

Քաղաքական07:35, 04 Օգոստոս 2014

Էրդողանն ու Ալիևը զրուցել են շփման գոտում տեղի ունեցած միջադեպերի մասին

Թուրքիայի վարչապետ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ: Թուրքական «Աքշամ» պարբերականը, հղում անելով կառավարությանը մոտ կանգնած իր աղբյուրներին, տեղեկացնում է, որ զրույցի ընթացքում քննարկվել է վերջին օրերին ղարաբաղաադրբեջանական շփման գոտում տեղի ունեցած միջադեպերը:

Ըստ աղբյուրի Էրդողանն իր ցավակցությունն է հղել միջադեպերի ընթացքում սպանված ադրբեջանցի զինվորների հարազատներին:

Հիշեցնենք` Արցախի Պաշտպանության բանակը տեղեկացրել էր, որ հուլիսի 31-ին հակառակորդը ձեռնարկել է հարձակում ղարաբաղա-ադրբեջանական հակամարտ զորքերի շփման գծի հյուսիսիային ուղղությամբ տեղակայված զորամասերից մեկի պահպանության տեղամասի մարտական հենակետի ուղղությամբ:

Դիրքապահ անձնակազմի կողմից հանդիպելով կազմակերպված դիմադրության, ակառակորդը կրելով բազմաթիվ կորուստներ` հետ է շպրտվել ելման դիրքեր: Սակայն,գործողության արդյունքում, զոհվել են ՊԲ երկու զինծառայողներ:

Հարձակման ենթարկված տեղանքը լրիվությամբ գտնվում է ՊԲ ստորաբաժանումների վերահսկողության տակ:

Իրականացված օպերատիվ գործողությունների արդյունքում, հակառակորդից առգրավվել են մեծ քանակությամբ հատուկ սպառազինություն և տեխնիկական միջոցներ:

Ermenihaber.am