Թյուրքեշի հարցը Էրդողանին. «Մ՞իթե հայ լինելը հանցա՞նք է»

Քաղաքական12:48, 06 Օգոստոս 2014

Թյուրքեշի հարցը Էրդողանին. «Մ՞իթե հայ լինելը հանցա՞նք է»

Թուրքիայի քաղաքական շրջանակներում լայն արձագանք է գտել նախօրեին երկրի վարչապետ ու նախագահի թեկնածու Ռեջեփ Թայիփ Էրդողանի` ուղիղ եթերով հնչեցրած խոսքերը. «Իմ հասցեին շատ են տգեղ բաներ ասել... ինձ վրացի են ասել, դեռ ավելի վատ բան, կներեք բայց նույնիսկ հայ են ասել»:

Ընդդիմադիր «Ժողովրդահանրապետական» կուսակցության պատգամավոր Հուրշիթ Գյունեշից հետո Էրդողանի խոսքերին արձագանքել է նաև մեկ այլ ընդդիմադիր գործիչ` «Ազգայնական շարժում» կուսակցության փոխնախագահ Յըլդըրըմ Թուղրուլ Թյուրքեշը: Նա հանդես է եկել գրավոր հայտարարությամբ, որտեղ խստորեն քննադատել է վարչապետի արած վերոնշյալ արտահայտությունը և հարցում արել. «Մի՞թե հայ լինելը հանցանք է»:

«Հայ լինելը հանցանք, մեղք, վատ ու արատավոր բան չէ»,- նշել է Թյուրքեշը` ընդգծելով, որ ազգային փոքրամասնությունների հանդեպ վարչապետի այդօրինակ խտրական վերաբերունքը դատապարտելի է նաև օրենքի տեսանկյունից:

«Ազգությամբ հայ Թուրքիայի մեր բոլոր քաղաքացիներին հղում ենք մեր համերաշխության ուղերձը»- ըստ «Մեմլեքեթ» լրատվամիջոցի` ասված է հայտարարության մեջ:

Ermenihaber.am