ERMENI HABER AJANSI

Թուրքիայի նախագահի թեկնածու ազգությամբ քուրդ  Սելահաթթին Դեմիրթաշը «CNN Türk»-ի եթերում խոսել է Թուրքիայի վարչապետ Ռեջեփ Թայիփ Էրդողանի՝ հայերին ուղղված վիրավորական արտահայտության մասին: «Վարչապետ Էրդողանը շարունակ իր ընտրողներին հարցնում է նրանց ծագման կամ կրոնական պատկանելիության մասին:

Ի՞նչ կլինի եթե վրացի լինես, կամ թուրք, քուրդ կամ հայ: Մի՞թե բավականչափ չենք տառապել: Մի՞թե ժամանակը չէ, որ վերջ տանք տառապանքներին»,- Դեմիրթաշի խոսքերը մեջբերել է թուրքական «Հաբերաքթուել» լրատվական կայքը:

Դեմիրթաշը, հիշեցնելով իր ազգային պատկանելության մասին, նշել է, որ ուզում է իր օգտին քվեարկեն ոչ թե քուրդ լինելու, այլ իր սկզբունքների և գաղափարների համար:

Նախագահի թեկնածուն նշել է, որ ինքը ևս քրդական ծագման համար երբեմն ենթարկվել է խտրական վերաբերմունքի՝ պատմելով, որ ժամանակին իր հարևանները երեխաններին թույլ չեն տվել  իր երեխաների հետ խաղալ:

Ermenihaber.am