Թուրքիայում հայկական գյուղի գյուղապետը ամոթալի է համարել Էրդողանի արարքը

Տարածաշրջան10:39, 07 Օգոստոս 2014

Թուրքիայում հայկական գյուղի գյուղապետը ամոթալի է համարել Էրդողանի արարքը

Թուրքիայի վարչապետ և նախագահի թեկնածու Ռեջեփ Թայիփ Էրդողանի` օրերս հայերի հասցեին հնչեցրած վիրավորական խոսքերը վշտացրել են հայկական Վաքըֆլը գյուղի բնակչությանը:

«Էրդողանը դառնություն է պատճառել ամեն ընտրություններում իրեն աջակցող Թուրքիայի միակ հայկական գյուղի հայ բնակիչներին»,- գրում է թուրքական «Շանլըուրֆա» լրատվականը:

Հիշեցնենք, որ NTV հեռուստաալիքի ուղիղ եթերից Էրդողանն ասել էր. ««Ինձ վրացի են անվանել: Ներեցեք, բայց ավելի վատ բան էլ են ասել, հայ են անվանել»:

Վաքըֆլըի գյուղապետ Պերճ Քարթունը վերոնշյալ լրատվամիջոցի թղթակցի հետ զրույցում ասել է. «Վարչապետը հայ լինելը վատ բան համարող տհաճ հայտարարոթյուն է արել: Մենք շատ վշտացած ենք դրանից: Նա վշտացրել է նաև իր օգտին քվեարկողներին: Դու մի երկրի վարչապետ ես, որտեղ ահագին հայեր կան, ի՞նչ է, նրանց բոլորին հիմա դու այդչափ վա՞տ ես նայում, չեմ հասկանում»:

Քարթունը նաև նշել է, որ իրենք պատրաստվում էին ընտրություններին իրենց ձայնը տալ Էրդողանի թեկնածության օգտին:

«Մեկ այլ կրոնին պատկանող մարդկանց նսեմացնելը ամոթալի բան է».- եզրափակել է գյուղապետը` հեռակա դիմելով Էրդողանին:

Ermenihaber.am