Թուրքիայի նախագահի թեկնածուների ժեստերը ենթարկվել են վերլուծության (տեսանյութ)

Քաղաքական09:53, 08 Օգոստոս 2014

Թուրքիայի նախագահի թեկնածուների ժեստերը ենթարկվել են վերլուծության (տեսանյութ)

Թուրքիայի նախագահի 3 թեկնածուների նախընտրական ելույթի տեսագրությունները ենթարկվել են հատուկ վերլուծության, որի նպատակը ժեստերի և դիմախաղի նշանակությունը բացահայտելն է:

Ըստ «CNNTurk» լրատվական ծառայության` ժեստերի վերլուծությունն իրականացվում է «Face reader» ծրագրի միջոցով, որը քննախույզ ու մանրազնին կերպով հետազոտում է խոսող մարդու դիմամկանային համակարգի ողջ շարժուձևը և արտահայտչականությունը:

Վերլուծության արդյունքում պարզվել է, որ երեք թեկնածուներից ամենաշատը Էքմելեդդին Իհսանօղլուի մոտ են նկատվել դիմախաղի էլեմենտներ: Ռեջեփ Թայիփ Էրդողանն այդ տեսանկյունից զբաղեցրել է 2-րդ տեղը: Իսկ ահա Սելահաթթին Դեմիրթաշը` 3-րդ: Տոկոսային հարաբերությամբ թեկնածուների դեմքին նկատված ժեստերը հետևյալ պատկերն են ստացել:

1. Իհսանօղլու` 32 %

2. Էրդողան` 15 %

3. Դեմիրթաշ` 6 %

Իհսանօղլուի մոտ գերակշռող են եղել (74 %) բարկության ժեստերը, իսկ դժգոհության արտահայտությունը կազմել է 20 %:

Էրդողանի մոտ նույնպես գերակշռող են եղել զայրույթի ժեստերը (82 %): Վախ արտահայտող դիմախաղն էլ կազմել է 12 %:

Դեմիրթաշըմոտ գերակշռել են երջանկություն և գոհունակություն արտահայտող ժեստերը (50 %): Երկրորդ տեղում երկյուղի նշաններ արտահայտող ժեստերն են (34 %):

Տեսանյութերը` ստորև.

Միացյալ ընդդիմության թեկնածու Էքմելեդդին Իհսանօղլու

Իշխող «Արդարություն և զարգացում» կուսակցության թեկնածու Ռեջեփ Թայիփ Էրդողան