Աբդուլլահ Գյուլը չի հեռանալու քաղաքականությունից

Քաղաքական13:44, 11 Օգոստոս 2014

Աբդուլլահ Գյուլը չի հեռանալու քաղաքականությունից

Թուրքիայի դեռևս գործող նախագահ Աբդուլլահ Գյուլը նախագահական նստավայրում վերջին հանդիպումն է անցկացրել լրատվամիջոցների ներկայացուցիչների հետ ու հայտարարել, որ վերադառնալու է քաղաքականություն:

Ըստ թուրքական «Ջումհուրիյեթ» պարբերականի էլ-կայքի` Գյուլը նախ հիշեցրել է, որ ինքը ներկայիս իշխող «Արդարություն և զարգացում» կուսակցության (ԱԶԿ-AKP) հիմնադրման ակունքներում կանգնած առանցքային դերակատարներից է եղել, ապա հավելել, որ պաշտոնավարման ողջ ընթացքում փորձել է հավասարապես վերաբերվել բոլորին: Իսկ հիմա, երբ արդեն պատրաստվում է վայր դնել հանրապետության նախագահի իր լիազորությունները, Գյուլը կուսակցություն վերադառնալու ազդակ է հղել:

«Մինչև օգոստոսի 28-ը ես դեռ կմնամ փաստացի գործող նախագահ: Դրանից հետո, երբ նախագահական լիազորություններս կդադարեն, ես անկասկած և բնականաբար վերադառնալու եմ իմ կուսակցություն: Հավատում եմ, որ Թուրքիան շատ հզոր կերպով ամեն հարցում շարունակելու է իր ճանապարհը»,- ասել է Գյուլը:

Ermenihaber.am