Թուրք պատգամավորը կարմիր մեխակներ է նվիրել ադրբեջանցի վիրավոր զինծառայողներին

Տարածաշրջան08:45, 12 Օգոստոս 2014

Թուրք պատգամավորը կարմիր մեխակներ է նվիրել ադրբեջանցի վիրավոր զինծառայողներին

Թուրքիայի առողջապահության, աշխատանքի և սոցիալական հարցերի խորհրդարանական հանձնաժողովի նախագահ, Ադանայի պատգամավոր Նեջդեթ Ունուվարն այցելել է Աթաթուրքի անվան բժշկական կենտրոն` տեսակցելու հայ-ադրբեջանական սահմանին վիրավորված ադրբեջանցի զինծառայողներին և Գազայից Թուրքիա տեղափոխված վիրավոր պաղեստինցիներին:

Նշյալ պատգամավորը նաև Թուրքիա-Ադրբեջան միջխորհրդարանական բարեկամության խմբի համանախագահն է: Այցելելով ադրբեջանցի վիրավոր զինծառայողներ Էլվին Ասգերովին և Սերհան Թահիրզադեին` Ունուվարը նրանց նվիրել է կարմիր մեխակներ և զրույցի բռնվել հետները:

Լրատվամիջոցների ներկայացուցինչների հետ հանդիպմանը թուրք պատգամավորը հավաստիացրել է, որ իրենց երկիրը միշտ պատրաստակամ է մարդասիրական օգնություն ցույց տալ Գազային և Ադրբեջանին, իսկ Թուրքիայի հիվանդանոցների դռները միշտ բաց են բուժօգնության կարիք ունեցող պաղեստինցիների ու ադրբեջանցիների համար:

Հիշեցնենք, որ հայ-ադրբեջանական հակամարտ ուժերի շփման գծում դիվերսիոն ներթափանցման փորձ կատարելիս վիրավորած ադրբեջանցի վերոնշյալ զինծառայողներին նախօրեին այցելել էր նաև Թուրքիայի արտգործնախարար Ահմեթ Դավութօղլուն:

Ermenihaber.am