Թուրքիայի վարչապետի ամենահավանական թեկնածուն Ահմեթ Դավութօղլուն է

Քաղաքական13:44, 14 Օգոստոս 2014

Թուրքիայի վարչապետի ամենահավանական թեկնածուն Ահմեթ Դավութօղլուն է

Թուրքիայի իշխանությունների հետ մերձավոր կապով հայտնի «Վաթան» պարբերականի լրագրող Հուսեյն Յայմանը հայտնել է, թե հանրապետության 12-րդ նախագահ ընտրված Ռեջեփ Թայիփ Էրդողանը ում է նշանակելու վարչապետի պաշտոնին: Ըստ Յայմանի տիրապետած տվյալի`Թուրքիայի նորանշանակ վարչապետը լինելու ներկայիս արտգործնախարար Ահմեթ Դավութօղլուն:

«Արդարություն և զարգացում» կուսակցությունում հստակեցված է, թե ով է լինելու հաջորդ վարչապետը: Դատելով Էրդողանի և կուսակցության խոսնակների առաջ քաշած սկզբունքներից` հասկանալի է դառնում, որ այդ անձը Ահմեթ Դավութօղլուն է: Բացի այդ էլ Դավութօղլուի ընտրությունն Էրդողանի սրտով է»,- գրում է Յայմանը:

Վերջինս նաև հիշեցնում է, որ «ԱԶԿ»-ի գործադիր մարմնի կենտրոնական խորհրդի նիստում վարչապետի թեկնածուների ներկայացված ցանկում ընդգրկված են եղել Աբդուլլահ Գյուլը, Բինալի Յըլդըրըմը, Նուման Քուրթուլմուշը, Սուլեյման Սոյլուն: Ցանկը գլխավորել է սակայն Ահմեթ Դավութօղլուն:

Ermenihaber.am