Գյուլը հայտնել է նոր վարչապետի անունը

Քաղաքական13:12, 20 Օգոստոս 2014

Գյուլը հայտնել է նոր վարչապետի անունը

Թուրքիայի նախագահ Աբդուլլահ Գյուլը իր հրաժեշտի ընդունելության ընթացքում կարևոր հայտարարություններ է արել: Նա, մասնավորապես, պարզություն է մտցրել երկրում ամենաշատ քննարկվող հարցում և հայտարարել, որ նոր վարչապետը կլինի ներկայիս արտաքին գործերի նախարար Ահմեթ Դավութօղլուն: Տեղեկացնում է թուրքական «Միլլիյեթ» թերթը:

«Ինչքանով որ երևում է , այդ պաշտոնը կստանձնի Դավութօղլուն: Պարոն Ահմեթին և քաղաքականության մեջ, և պետական համակարգում առաջ տանողը ես եմ եղել: Երբ վարչապետ էի, նրան դեսպան դարձրեցի: Ավելի ուշ արտգործնախարարությունում էլ էր կողքիս: Հավատում եմ, որ հաջողությամբ կպաշտոնավարի, քանի որ նրա հաջողությունը Թուրքիայի հաջողությունը կլինի » ,- ասել է Գյուլը:

Հիշեցնենք, որ օգոստոսի 10-ին կայացած նախագահական ընտրություններում իշխող «Արդարություն և զարգացում» կուսակցության առաջադրած թեկնածու, վարչապետ Ռեջեփ Թայիփ Էրդողանը,ստանալով քվեների 51.8 %-ը, ընտրվել է Թուրքիայի Հանրապետության 12-րդ նախագահ: Նրա պաշտոնավարությունը կսկսի օգոստոսի 28-ից:

Ermenihaber.am