Թուրքիայի ԱԳՆ. Սուլեյման Շահի դամբարանը իսլամիսնտերին հանձնելու մասին լուրերը անհիմն են

Տարածաշրջան12:44, 21 Օգոստոս 2014

Թուրքիայի ԱԳՆ. Սուլեյման Շահի դամբարանը իսլամիսնտերին հանձնելու մասին լուրերը անհիմն են

Թուրքիայի արտաքին գործերի նախարարությունը հայտարարություն է տարածել՝ հերքելով Սուլեյման Շահի դամբարանը իսլամիստներին հանձնելու մասին լուրերը:

Արտգործնախարարությունն անընդունելի է համարել «նմանատիպ անհիմն պնդումներով ազգային անվտանգությանը և Թուրքիայի քաղաքացիների բարօրությանը վերաբերող հարցերի շահարկումը»:

ԱԳՆ-ն ԶԼՄ-ներին կոչ է արել այդ հարցում սրտացավություն դրսևորել, իսկ հասարակությանը խնդրել է նմանատիպ լուրերին ուշադրություն չդարձնել:

Հիշեցնենք, որ այսօր թուրքական «Թարաֆ» թերթը տեղեկացրել էր, թե «Իրաքի և Լևանտի իսլամական պետություն» իսլամիստական խմբավորումը Մոսուլի թուրքական հյուպատոսարանի գերեվարված աշխատակիցներին ազատ արձակելու դիմաց Թուրքիայի իշխանություններից պահանջել է Սուլեյման Շահի դամբարանը: Այն գտնվում է Սիրիայում, սակայն թուրքական տարածք է, որը պահպանում են թուրք զինվորները:

Նշվում է, որ Թուրքիայի կառավարությունը ընդունել է իսլամիստների պահանջը և ԶՈՒ գլխավոր շտաբին հանձնարարել է հնարավոր հարձակման դեպքում պատրաստվել դամբարանի տարածքից թուրք զինվորների դուրս բերմանը:

Ermenihaber.am