Էբոլա տենդը հասել է Թուրքիա՞

Տարածաշրջան14:17, 22 Օգոստոս 2014

Էբոլա տենդը հասել է Թուրքիա՞

Նիգերիայի Կանո քաղաքից Ստամբուլ ժամանած ինքնաթիռի ուղևորներից մեկը բարձր ջերմությամբ Աթաթուրքի անվան օդանավակայանից տեղափոխվել է հիվանդանոց: Ինչպես տեղեկացնում է թուրքական «Հաբեր թուրք» լրատվական կայքը, կա ենթադրություն, որ վերոնշյալ անձը, ով Իտալիայի քաղաքացի է, վարակված է էբոլա տենդով: Հիվանդության նախանշաններ ունեցող կնոջն առաջին օգնություն են ցուցաբերել հենց ինքնաթիռում՝ վայրեջքից անմիջապես հետո:

Հիվանդին ընդունելուց հետո հիվանդանոցի մուտքը փակվել է և հիվանդի հարազատներին, ինչպես նաև լրագողների մուտքը արգելվել է:

Տեղեկացնենք, որ էբոլա տենդը սուր, բարձր մահաբերությամբ վարակիչ հիվանդություն է: Այն փոխանցվում է հիվանդ կենդանու կամ մարդու հետ անմիջական շփման արդյունքում

Այս հիվանդության նախանշաններից են արտաքին և ներքին արյունահոսություն, գլխացավ, բարձր ջերմություն մինչև 39–40: Հիվանդությունը կարող է զարգանալ վարակվելուց հետո մինչև 21 օրվա ընթացքում:

Արևմտյան Աֆրիկայում էբոլա տենդի պատճառով մահացածների թիվը հատել է 1350-ի սահմանը:

Ermenihaber.am