Էրդողանի առաջին արտերկրյա այցը` Հյուսիսային Կիպրոսի ինքնահռչակ հանրապետություն, երկրորդը` Ադրբեջան

Տարածաշրջան14:03, 01 Սեպտեմբեր 2014

Էրդողանի առաջին արտերկրյա այցը` Հյուսիսային Կիպրոսի ինքնահռչակ հանրապետություն, երկրորդը` Ադրբեջան

Օգոստոսի 10-ին Թուրքիայում տեղի ունեցած նախագահական ընտրություների արդյունքում նախագահ ընտրված Ռեջեփ Թայիփ Էրդողանը, նախագահի կարգավիճակով առաջին արտերկրյա այցը կատարել է Կիպրոսի իննքնահռչակ թուրքական հանրապետություն:

Էրդողանին դիմավորել է այսպես կոչված Կիպրոսի թուրքական հանրապետության նախագահ Դերվիշ Էրօղլուն:

Էրդողանն իր ելույթում ասել է, որ մինչև ամսվա վերջ Թուրքիայից անդրծովյա ճանապարհով Կիպրոսի հյուսիսային մաս պատրաստվում են ջուր և էլեկտրոէներգիա հասցնել: Նրա խոսքով` Հարավային Կիպրոսը իր այս քայլերում պետք է խաղաղության մեսիջներ տեսնի: :

Թուրքական «Հյուրիյեթ»-ի հաղորդմամբ՝ Էրդողանն այսօր բազմակողմանի հանդիպումներ կունենա Կիպրոսի թուրքական չճանաչված հանրապետությունում, իսկ վաղը կմեկնի Ադրբեջան: Աղբյուրի հաղորդմամբ՝ Թուրքիայի նորանշանակ վարչապետ, նախկին արտգործնախարար Ահմեթ Դավութօղլուի առաջին արտերկրյա այցերի ժամանակացույցը դեռ հայտնի չէ, սակայն հետագիծը նույն է լինելու: