Թուրքիայում Քուվեյթի դեսպան. «Քուվեյթցի ներդրողները կհեռանան, քանի որ չեն կարողանա վստահել այս երկրին»

Տարածաշրջան09:43, 16 Սեպտեմբեր 2014

Թուրքիայում Քուվեյթի դեսպան. «Քուվեյթցի ներդրողները կհեռանան, քանի որ չեն կարողանա վստահել այս երկրին»

Թուրքիայում Քուվեյթի դեսպան Աբդուլլահ Աբդուլազիզ ալ- Դուվաիխը պաշտպանել է դեսպանատան աշխատակիցներին, որոնց անունը շրջանառվում է Թուրքիայի ԶՈւ փոխգնդապետ, օդաչու Հաքան Քարաքուշին ծեծի ենթարկելու հարցում:

Թուրքական «Ջումհուրիյեթ» թերթի տեղեկացմամբ՝ օտարերկրացիները ճանապարհի խցանման պատճառով առաջացած վիճաբանության ժամանակ մեքենայից դուրս են բերել թուրք օդաչուին և մերձիմահ ծեծել:

Իսկ ալ- Դուվաիխը տեղեկացրել է, որ դեսպանատան աշխատակիցները մեղավոր չեն, այդ Թուրքիայի քաղաքացին է «արաբներ, սիրիացիներ» գոռացել, հարվածել մեքենային, իսկ այդ ընթացքում դեսպանատան պաշտոնյաները բանկում են եղել, որի ապացույցը կա: Ըստ դեսպանի՝ օդաչուի հետ վեճի են բռնվել ուրիշները:

Դեսպանը նաև անդրադարձել է դեպքի հետ առնչվող աշխատակիցների արտաքսման հարցին՝ նշելով, որ դեսպանատան աշխատակիցներին առանց դատարանի որոշման արտաքսելու դեպքում, Թուրքիայում քուվեյթցի ներդրողները, որոնք բավականին մեծ թիվ են կազմում, կհեռանան, քանի որ չեն կարողանա վստահել այս երկրին:

Ermenihaber.am