Գյուլենը քննադատել է «Իսլամական պետություն» ահաբեկչական խմբավորման գործողությունները

Քաղաքական09:31, 18 Սեպտեմբեր 2014

Գյուլենը քննադատել է «Իսլամական պետություն» ահաբեկչական խմբավորման գործողությունները

ԱՄՆ-ում բնակվող իսլամական-հասարակական գործիչ, գյուլենական համայնքի ղեկավար Ֆեթուլլահ Գյուլենը քննադատել է «Իրաքի և Լևանտի իսլամական պետություն» (ներկայումս` Իսլամական պետություն) ահաբեկչական խմբավորմանը` Թուրքիայի 49 քաղաքացիներին գերի պահելու համար: Գյուլենի քննադատական հայտարարությունը հրապարակվել է ԱՄՆ-ի այնպիսի առաջատար պարբերականներում ինչպիսիք են «New York Times»-ը, «Washington Post»-ը, «Wall Street Journal»-ը, «Chicago Tribune»-ը և «L.A Times»-ը:

Գյուլենը իր հայտարարություն մեջ ասել է, որ խմբավորումը կատարելապես հեռու է իսլամական ոգուց ու գործողություններից և ստեղծվել է քաղաքական շահերին ծառայելու համար:

Հիշեցնենք, որ Ֆեթուլլահ Գյուլենը 1999 թվականից բնակվում է ԱՄՆ-ում: Թուրքիայի 1997 թվականի փետրվարի 28-ի ռազմական հեղաշրջումից հետո իսլամական այս ազդեցիկ գործչի նկատմամբ սկսվեց քրեական հետապնդում, որի պատճառով էլ նա ստիպված եղավ տեղափոխվել ԱՄՆ: Գյուլենը համարվում է արդի իսլամի և ժողովրդավարության սինթեզը կրող ու աշխարհում Թուրքիայի ազդեցությունը ուժեղացնող անձ:

Վերջին շրջանում թուրքական իշխանությունները առճակատման մեջ են գյուլենական ուժերի հետ ու Ֆեթուլլահ Գյուլենին մեղադրում են Թուրքիան վարկաբեկող և պառակտող գործունեություն ծավալելու համար:

Ermenihaber.am