ՔԲԿ-ը կոչ է անում օգնության հասնել Սիրիայի քուրդ զինյալներին

Տարածաշրջան09:18, 19 Սեպտեմբեր 2014

ՔԲԿ-ը կոչ է անում օգնության հասնել Սիրիայի քուրդ զինյալներին

«Քուրդիստանի բանվորական կուսակցության» (ՔԲԿ-PKK) սիրիական թևը համարվող «Քուրդիստանի դեմոկրատական միության» (ՔԴՄ-PYD) ինքնապաշտպանական ուժերը չեն բավականացնում «Իսլամական պետություն» (ԻՊ) ահաբեկչկական խմբավորման գրոհայիններին հետ շպրտելու համար: Սիրիայի հյուսիսում իսլամիստ ծայրահեղականների դեմ մղվող մարտերում քուրդ զինյալներին օգնելու կոչով հանդես է եկել «ՔԲԿ»-ը:

CNNTurk լրատվական ծառայության տեղեկացմամբ` «ՔԲԿ»-ը գրավոր հայտարարություն է տարածել` Թուրքիայում բնակվող քուրդ երիտասարդներին կոչ անելով օգնության հասնել Սիրիայի քրդերին:

Հայտնի է դարձել, որ վերջին 24 ժամվա ընթացքում ահաբեկիչները Սիրիայի հյուսիս-արևմուտքում գրավել են 24 քրդական գյուղ և շարժվում են դեպի սահմանմերձ Քոբանի շրջանը: Բնակիչները, ապաստան փնտրելով հարևան Թուրքիայում, հոծ զանգվածներով կուտակվում թուրք-սիրիական սահմանին:

«Անկարան չի ցանկանում «ՔԲԿ»-ի և «ԻՊ»-ի միջև բախմանը հանդես գա որևէ մեկի կողմից»,- գրում է CNNTurk-ը:

Ermenihaber.am