Քըլըչդարօղլուն մեղադրվում է ընդիմադիր նախկին առաջնորդի դեմ սեքս-սկանդալ հրահրելու մեջ

Տարածաշրջան09:28, 23 Սեպտեմբեր 2014

Քըլըչդարօղլուն մեղադրվում է ընդիմադիր նախկին առաջնորդի դեմ սեքս-սկանդալ հրահրելու մեջ

Թուրք գործարար Ջանֆեր Դելիիսմաիլը 4 տարի առաջ ընդդիմադիր «Ժողովրդահանրապետական» կուսակցության (ԺՀԿ-CHP) նախկին նախագահ Դենիզ Բայքալի անվան շուրջ ծագած սեքս- սկանդալի համար մեղադրել է ներկայիս նախագահ Քեմալ Քըլըչդարօղլուին:

2010 թվականի մայիսի 6-ին հրապարակվել էր Բայքալի և նույն կուսակցության անդամ, կին պատգամավոր Նեսրին Բայթոքի միջեւ սեռական հարաբերությունների տեսագրությունը, որ նկարահանվել էր թաքնված տեսախցիկով:

Գաղտնի տեսաձայնագրությունը, ըստ Դելիիսմաիլի, Քըլըչդարօղլուն պահել էր թուրքական «Իշ բանկասը»-ի Անկարայի մասնաճյուղում, որտեղից 2009 թվականի դեկտեմբերի 9-ին դուրս էր բերել Քըլըչդարօղլուի քարտուղար Շյուքրան Քյություքչուն: Դելիիսմաիլը հայտնել է, որ այդ օրը ինքը բանկի մոտ տեսել է Քյություքչուին, ով Քըլըչդարօղլուի անունից տրված լիազորագրով այնտեղից դուրս է բերել հատուկ արկղում պահվող իրերը: Այդ դեպքից 5-6 ամիս հետո, երբ հրապարկվեց այդ տեսանյութը, Բայքալը հրաժարական տվեց, իսկ նրա փոխարեն կուսակցության նախագահ ընտրվեց Քըլըչդարօղլուն:

Դելիիսմաիլի կարծիքով Քըլըչդարօղլուն բանկի հատուկ արկղում պահվող տեսաերիզը հրապարակել է, որպեսզի Բայքալի հրաժարականից հետո զբաղեցնի նրա պաշտոնը:

Ermenihaber.am