Քննադատել է Թուրքիային որ փակ է պահում սահմանը և չի թողնում քրդերը օգնության հասնեն սիրիացի քրդերին

Տարածաշրջան10:40, 27 Սեպտեմբեր 2014

Քննադատել է Թուրքիային որ փակ է պահում սահմանը և չի թողնում քրդերը օգնության հասնեն սիրիացի քրդերին

«Ժողովուրդների դեմոկրատական կուսակցության» համանախագահ Սելահաթթին Դեմիրթաշը քննադատել է Անկարային Սիրիայի քրդաբնակ Քոբանի qքաղաքի ողբերգական դեպքերը չդատապարտելու համար: «Իսլամական պետություն» (ԻՊ) ահաբեկչական խմբավորման զինյալները, գրավելով Սիրիայի հյուսիսի քրդական գյուղերը, պաշարել են Քոբանի քաղաքը և շարունակում ավերածությունները:

Դեմիրթաշը, մասնակցելով Վաշինգտոնում կազմակերպված «Քրդական նոր իրականություն, ռիսկեր, սպասելիքներ և շանսեր» խորագրով կոնֆերանսին, ահազանգել է այն վտանգի մասին, որ սպառնում է Քոբանի քաղաքի բնակչությանը: ԻՊ-ական ահաբեկիչները 1 կիլոմետրի չափ արդեն մոտեցել են քաղաքին: Իսկ քաղաքը Թուրքիայից գտնվում է ընդամենը 500 մ հեռավորություն վրա: Քուրդ զինյալները թեև որքան հնարավոր է դիմադրության մարտեր են մղում, բայց եթե ահաբեկիչները գրավեն քաղաքը, կկոտորեն տեղի բնակչությանը:

Դեմիրթաշը նաև նշել է, որ Թուրքիայի քրդերը ցանկանում են օգնության հասնել Քոբանիի իրենց ազգակիցներին, բայց Թուրքիան սահմանը չի բացում, իսկ Քոբանի հասնելու այլ ճանապարհներ չկան, քաղաքը մյուս 3 կողմից պաշարված է «ԻՊ»-ի գրոհայիններով: Քուրդ քաղաքական գործիչը վստահեցրել է, որ եթե անգամ Քոբանին ընկնի, և ահաբեկիչները շարժվեն դեպի Հաթայ ու Ադանա, ապա «ԻՊ»-ի դեմ դարձյալ քրդերն են մարտնչելու:

Ermenihaber.am