Թուրքիայի կառավարությունը Սիրիայում և Իրաքում ռազմական գործողություններ անցկացնելու համար միջնորդագիր է ներկայացրել մեջլիս

Տարածաշրջան11:55, 01 Հոկտեմբեր 2014

Թուրքիայի կառավարությունը Սիրիայում և Իրաքում ռազմական գործողություններ անցկացնելու համար միջնորդագիր է ներկայացրել մեջլիս

Թուրքիայի կառավարությունը միջնորդագիր է ներկայացրել մեջլիս, որով նախատեսվում է թուրք զինվորների ներգրավել Իրաքում և Սիրիայում «Իսլամական պետություն» (ԻՊ) ահաբեկչական կազմակերպության դեմ պայքարող միջազգային կոալիցիայի մեջ:

Ինչպես տեղեկացնում է թուրքական «Հաբեր աքթուել» լրատվական կայքը, կառավարությունը մեջլիսից թույլտվություն է խնդրում 2 հարցում.

Թուրք զինվորների մասնակցությունը սահմանի մյուս կողմում անցկացվող գործողություններին:
Օտարերկրյա զինվորների տեղակայում Թուրքիայում :

Միջնորդագրում նշվում է, որ Թուրքիայի հարավում ցամաքային սահմանի երկայնքով ազգային անվտանգությանը սպառնացող զարգացումները վերջին շրջանում ավելացել են, Իրաքի հյուսիսային շրջանում շարունակում են գործել «Քուրդիստանի բանվորական կուսակցության» զինյալները:

Կառավարության դիմումը կքննարկվի հոկտեմբերի 2-ին:

Ermenihaber.am