Թուրքիան զրահատեխնիկա է կուտակում իրաք-սիրիական սահմանին

Տարածաշրջան13:33, 03 Հոկտեմբեր 2014

Թուրքիան զրահատեխնիկա է կուտակում իրաք-սիրիական սահմանին

Հոկտեմբերի 2-ին Թուրքիայի ազգային մեծ ժողովն ընդունեց Իրաքում և Սիրիայում «Իսլամական պետություն» ահաբեկչական կազմակերպության դեմ ռազմական գործողություներ անցկացնելու համար կառավարության միջնորդագիրը:

Թուրքական «Վաթան» թերթի տեղեկացմամբ՝ միջնորդագրի հաստատումից հետո Թուրքիայի իրաք-սիրիական սահմանի երկայնքով ակտիվություն է նկատվում. զրահատեխնիկա է կուտակվում, իսկ «Կոմանդոների» հետևակային ստորաբաժանումները պատրաստ սպասում են ռազմական գործողությունների անցկացմանը:

ԱՄՆ-ը դրական է գնահատել մեջլիսի կողմից կառավարության միջնորդագրի հաստատումը, որով թույլտրվում է ԻՊ-ի դեմ ռազմական գործողություններ իրականացնել:

Պետքարտուղարության մամուլի խոսակ Ջեն Փսակին ողջունել է մեջլիսի որոշումը՝ նշելով, որ ԱՄՆ-ը շարունակում է բանակցությունները թուրք պաշտոնյաների հետ:

Իսկ ահա Իրանը քննադատել է Թուրքիայի խորհրդարանի որոշումը: Իրանի արտգործնախարար Ջևադ Զարիֆը զանգահարել է թուրք գործընկերջը՝ Մևլութ Չավուշօղլուին, և ասել, որ տարածաշրջանի երկրները պետք է պատասխանատվությամբ մոտենան հարցին և խուսափեն իրավիճակի վատթարացումից:

Ermenihaber.am