Էրդողան. «Թուրքիան ինչքան դեմ է ԻՊ-ին, նույնքան էլ դեմ է ՔԲԿ-ին»

Քաղաքական12:06, 07 Հոկտեմբեր 2014

Էրդողան. «Թուրքիան ինչքան դեմ է ԻՊ-ին, նույնքան էլ դեմ է ՔԲԿ-ին»

Թուրքիայի նախագահ Ռեջեփ Թայիփ Էրդողանը մեկնել է Գազիայնթեփ և հանդիպել սիրիացի փախստականների հետ: Դիմելով նրանց` Էրդողանը տեղեկացրել է, որ Թուրքիայում այս պահի ապաստանում է շուրջ 1.5 մլն փախստական, որոնցից 200 հազարը «Իսլամական պետություն» ահաբեկչական խմբավորման բռնություններից փրկվելու համար են լքել Սիրիան: Էրդողանը, քննադատելով Արևմուտքի անհոգատար վարքագիծը, մասնավորապես ՄԱԿ-ի փախստականների հարցերով հանձնաժողովին մեղադրել է դիտորդի դերում մնալու համար: Թուրքիայում ապաստանած ներգաղթյալների համար, ըստ Էրդողանի, այդ երկիրը վերջին 4 տարում ծախսել է արդեն 4 մլրդ դոլար:

Անդրադառնալով օրերս խորհրդարանի կողմից երկրի զինուժին 1 տարի ժամկետով անդրսահմանային (Իրաք, Սիրիա) գործողություններ իրականացնելու մանդատով լիազորելու փաստին` Էրդողանը հայտարարել է, որ Թուրքիան աչք չունի ոչ մի երկրի տարածքի վրա, ուղղակի պատրաստվում է չեզոքացնել իրենց ուղղված սպառնալիքները:

«Մենք այս տարածաշրջանում խաղաղություն ենք ուզում: Այս հողերը մեր եղբայրների հողերն են: Թուրքիան ինչքան դեմ է «ԻՊ»-ին, նույնքան էլ դեմ է «Քուրդիստանի բանվորական կուսակցությանը (ՔԲԿ – PKK)»,- ըստ «Աքշամ» լրատվակայքի` նշել է Էրդողանն իր ելությում:

Ermenihaber