Թուրքիա ուղարկող զբոսաշրջիկների թվով Ռուսաստանն առաջին տեղում է

Տարածաշրջան06:37, 07 Հոկտեմբեր 2014

Թուրքիա ուղարկող զբոսաշրջիկների թվով Ռուսաստանն առաջին տեղում է

Զզբոսաշրջիկների նախընտրած երկրների շարքում Թուրքիան աշխարհում 6-րդ տեղն է զբաղեցնում: Կատարած ներդրումները տվել են իրենց արդյունքը, եթե15 տարի առաջ զբոսաջրիկների քանակով Թուրքիան զբաղեցնում էր 20-րդ տեղն աշխարհում, ապա այժմ առաջադիմել է 14 հորիզոնականով: 1990-ականներին Թուրքիա այցելած զբոսաշրջիկները թիվը եղել է 4.4 միլիոն, 2000-ականներին` 10 միլիոն, իսկ ահա 2010-ից ի վեր՝ 30 միլիոն:

Թուրքական «Էլազըղ հաբեր» լրատվական կայքը տեղեկացնում է, որ հաջորդ 5 տարիներին Թուրքիան նախատեսում է բարելավել իր դիրքերը՝ ձգտելով մուտք գործել լավագյուն հնգյակ, իսկ Թուրքիայի Հանրապետության հիմնադրման 100-րդ տարեդարձին՝ 2023-ին, նպատակադրվել է ընդունել 50 միլիոն զբոսաշրջիկ և ստանալ 50 միլիարդ դոլար եկամուտ:

Ընթացիկ տարվա 8 ամսվա ընթացքում Թուրքիա այցելած զբոսաշրջիկների թվով առաջատարը Ռուսաստանն է՝ (3.5 մլն), նրան հաջորդում է Գերմանիան՝ (3.3 մլն), իսկ երրորդը Անգլիան է՝ (1.8 մլն): 2014-ին 52 տոկոսով ավելացել է իրանցի զբոսաշրջիկների, 40 տոկոսով իսրայելցիների, 38 տոկոսով չինացիների թիվը, իսկ ճապոնացի և եգիպտոսցի զբոսաշրջիկների թիվը սկսել է նվազել: