Թուրքիան որոշել է GAP-ի ոռոգման ցանցի կառուցման ներդրումների ծրագրից դուրս մղել օտար ներդրողներին

Տնտեսական07:04, 07 Հոկտեմբեր 2014

Թուրքիան որոշել է GAP-ի ոռոգման ցանցի կառուցման ներդրումների ծրագրից դուրս մղել օտար ներդրողներին

Թուրքիայում դեռևս 1980-ականներին սկսված «Հարավ-արևելյան Անատոլիա» վիթխարի նախագծի մեջ ներառված ոռոգման ցանցի շինարարությունը որոշել է իրականացնել ինքնուրույն: Թուրքական «Հաբերլեր» լրատվական կայքի հաղորդմամբ՝ Թուրքիան չեղյալ է հայտարարել ԱՄՆ-ի, Հոլանդիայի, Իսպանիայի ու Իսրայելի հետ կնքած պայմանագրերը, որոնք վերաբերում են այդ երկրների կողմից նշյալ նախագծի ոռոգման ցանցի կառուցման ֆինանսավորմանն ու վարկավորմանը: Ոռոգման ցանցի ողջ նախագիծը ֆինանսավորելու է պետությունը: Նշվում է նաև , որ Թուրքիան կշարունակի Սիրիայի համար ժամում 500 խմ ջուր բաց թողնել:

Նշենք, որ GAP-ը բաղկացած է Եփրատ և Տիգրիս գետերի վրա ոռոգման ու էներգետիկ արտադրության 13 նախագծի փաթեթից: Դրա շրջանակներում նախատեսվում էր կառուցել 22 ամբարտակ, 19 հիդրոէլեկտրակայան և ոռոգել 1.7 միլիոն հա հողատարածք, որը կազմում է Թուրքիայի ոռոգվող ողջ տարածքի 20 տոկոսը:

Նախագիծն ընդգրկում է 73.863 քկմ տարածք (թուրքական Քուրդստանի հարավ-արևմտյան և կենտրոնական մասերը` ներառյալ Ադեյաման, Դիարբեքիր, Գազիանթեփե, Մարդին, Սղարթ, Ուրֆա, Շրնակ և Բաթման նահանգները), նույնն է թե` Թուրքիայի 9.4 տոկոսը:

Ermenihaber.am