Զոհերի թիվը Թուրքիայում աճում է

Տարածաշրջան13:05, 08 Հոկտեմբեր 2014

Զոհերի թիվը Թուրքիայում աճում է

Հյուսիսային Սիրիայի քրդաբնակ Քոբանի քաղաքի վրա «Իսլամական պետություն» (ԻՊ) ահաբեկչական կազմակերպության գրոհայինների գործած հարձակումների կապակցությամբ Թուրքիայում սկսված խոշորամասշտաբ ցույցերն ուղեկցվել են արյունալի բախումներով: Ընդհարումներ են տեղի ունեցել քուրդ ցուցարարների ու թուրքական ազգայնական խմբերի, ինչպես նաև թուրք ուժայինների հետ: Ըստ մամուլի հրապարակումների` մահվան ելքով զանգվածային անկարգություններ են տեղի ունեցել Դիարբեքիրում, Շիիրթում, Վանում, Մուշում և Մարդինում:

Ինչպես հայտնում է թուրքական «Դողան հաբեր» լրատվական գործակալությունը, զոհերի թիվը աճել է` 12-ից հասցնելով 19-ի: Սպանված ցուցարարների մեջ կա նաև 19-ամյա երիտասարդ: Իրավիճակը սրված է հատկապես Դիարբեքիրում, որտեղ քրդական հուզումները լայն թափ են ստացել: Ութ տարվա դադարից հետո առաջին անգամ իշխանությունները Դիարբեքիր քաղաք են մտցրել զրահատեխնիկա, տանկային շարասյուներ և զինվորական ստորաբաժանումներ:

Նախօրեին սկսված բողոքի ալիքը շարունակվում է: Ոստիկաններն արդեն ձերբակալել են շուրջ 100 ակտիվիստի: Հրամայվել է վեց նահանգներում (Վան, Մուշ, Դիարբեքիր, Մարդին, Բաթման և Շիիրթ) փողոց դուրս գալու արգելք սահմանել:

Ermenihaber.am