ԻՊ-ի ահաբեկիչները սպառնացել են Էրդողանին (տեսանյութ)

Տարածաշրջան07:23, 10 Հոկտեմբեր 2014

ԻՊ-ի ահաբեկիչները սպառնացել են Էրդողանին (տեսանյութ)

«Իսլամական պետություն» (ԻՊ) ահաբեկչական խմբավորումը «Youtube» վիդեոպորտալում տեղադրած տեսանյութի միջոցով սպառնալիքներ է հղել Թուրքայի նախագահ Ռեջեփ Թայիփ Էրդողանին: Տեսանյութում նշվում է, որ Թուրքիային վտանգ է սպառնում ԱՄՆ-ի գլխավորած կոալիցիայի գործողություններին մաս կազմելու դեպքում:

Թուրքական «Ջումհուրիյեթ» լրատվակայքը նկատել է տալիս, որ «ԻՊ»-ի կողմից պատրաստված տեսանյությում օգտագործվել է չափազանց վատորակ և աղավաղված թուրքերեն: Իսլամսիտ ահաբեկիչները հիշեցնում են, որ Աֆղանստանում մոջահեդների դեմ ՆԱՏՕ-ի զորքերի հրամանատարությունը Թուրքիան է կատարում:

«Այսօր էլ ստորաքարշներն էլի շարունակում են իրենց ստորությունները: Հիմա էլ ԱՄՆ-ի առաջնորդությամբ սատանայական դաշինքի մեջ են մտել,- ասվում է տեսանյութում, այնուհետև մահմեդական եղբայրների խալիֆայության անունից Էրդողանին ուղերձ է հղվում է, որ նրա ղեկավարած պետության վերջը գալու է, ու ալլահի ուժը այդ սատանայական դաշինքից ուժեղ է: